89 FECR

  • 89:1

    Inã rantsuwa da alfijiri.

  • 89:2

    Da darũruwa gõma.

  • 89:3

    Da (adadi na) cikã da (na) mãrã.

  • 89:4

    Da dare idan yana shũɗewa.

  • 89:5

    Ko a cikin waɗannan akwai abin rantsuwa ga mai hankali (da yake kange shi daga zunubi)?

  • 89:6

    Ba ka ga yadda Ubangijinka Ya aikata da Ãdãwa ba?

  • 89:7

    Iramawa mãsu sakon ƙĩrar jiki.

  • 89:8

    Waɗanda ba a halitta kwatankwacinsu ba a cikin garũruwa (na dũniya).

  • 89:9

    Da samũdãwa waɗanda suka fasa duwãtsu a cikin Wadi suka yi gidãje)?

  • 89:10

    Da Fir'auna mai turãku.

  • 89:11

    Waɗanda suka ƙẽtare iyãkarsu, a cikin garũruwa?

  • 89:12

    Sabõda haka, suka yawaita yin ɓarna a cikinsu.

  • 89:13

    Sabõda haka Ubangijinka Ya zuba musu bũlãlar azãba.

  • 89:14

    Lalle ne, Ubangijinka Yana nan a mafaka.

  • 89:15

    To, amma fa mutum idan Ubangijibsa Ya jarraba shi, wãto Yã girmama shi kuma Ya yi masa ni'ima, sai ya ce: "Ubangijina Ya girmama ni."

  • 89:16

    Kuma idan Ya jarraba shi, wãto Ya ƙuntata masa abincinsa, sai ya ce: "Ubangijina Ya walãkanta ni."

  • 89:17

    A'aha! Bari wannan, ai bã ku girmama marãya!

  • 89:18

    Bã ku kwaɗaitã wa jũnanku ga (tattalin) abincin matalauci!

  • 89:19

    Kuma kuna cin dũkiyar gãdo, ci na tãrãwa.

  • 89:20

    Kuma kuna son dũkiya, so mai yawa.

  • 89:21

    A'aha! Idan aka niƙa ƙasa niƙewa sosai.

  • 89:22

    Kuma Ubangijinka Ya zo, alhãli malã'iku na jẽre, safũ- safu.

  • 89:23

    Kuma a ranar nan aka zo da Jahannama. A ranar nan mutum zai yi tunãni. To, inã fa tunãni yake a gare shi!

  • 89:24

    Yana dinga cẽwa, "Kaitona, dã na gabatar (da aikin ƙwarai) domin rãyuwata!"

  • 89:25

    To, a rãnar nan bãbu wani mai yin azãba irin azãbar Allah.

  • 89:26

    Kuma bãbu wani mai ɗauri irin ɗaurinSa.

  • 89:27

    Yã kai rai mai natsuwa!

  • 89:28

    Ka koma zuwa ga Ubangijinka, alhãli kana mai yarda (da abin da Ya ƙaddara maka a dũniya) abar yardarwa (da sakamakon da zã a ba ka a Lãhira).

  • 89:29

    Sabõbda haka, ka shiga cikin bãyiNa (mãsu bin umurui a dũniya).

  • 89:30

    Kuma ka shiga AljannaTa (a Lãhira).

Paylaş
Tweet'le